दैजी–बेलडाँडी सडकखण्डमा दुर्घटना : दुईजना घाइते, बँदेलको मृत्यु

घटना

गृहपृष्ठ
घटना
दैजी–बेलडाँडी सडकखण्डमा दुर्घटना : दुईजना घाइते, बँदेलको मृत्यु

दैजी–बेलडाँडी सडकखण्डमा दुर्घटना : दुईजना घाइते, बँदेलको मृत्यु

शुक्रबार, माघ २३, २०७७NB Media Network

NULL

हरिश्चन्द्र बाग, कञ्चनपुर, २३ माघ । हुलाकी राजमार्ग अन्तर्गत कञ्चनपुरको शुक्लाफाँटा राष्ट्रिय निकुञ्ज क्षेत्रभित्र पर्ने दैजी–बेलडाँडी सडकखण्डमा जंगली बँदेल र मोटरसाइकल एकापसमा ठोक्किदा मोटरसाइकलमा सवार दुई जना घाइते भएका छन् भने बँदेलको घटनास्थलमै मृत्यु भएको छ । इलाका प्रहरी कार्यालय बेलडाँडीका प्रमुख प्रहरी निरीक्षक राजेन्द्र बहादुर सिंहका अनुसार, महेन्द्रनगरदेखि दैजी–बेलडाँडी सडकखण्ड भएर घर फर्किरहेका कञ्चनपुरको बेलौरी नगरपालिका वडा नम्बर १० भुडा बस्ने मोटरसाइकल चालक ३२ वर्षीय प्रमोद राना र सोही मोटरसाइकलमा सवार ३५ वर्षीय उपदेव राना शुक्रबार अपरान्ह ४ बजेतिर दुर्घटनामा पर्नुभएको हो । घाइते दुवै जनालाई थप उपचारका लागि कैलालीको धनगढी पठाइएको छ भने मृत बँदेललाई रेञ्जपोष्टमा लगिएको प्रहरीले जनाएको छ ।

प्रकाशित मिति: शुक्रबार, माघ २३, २०७७ १८:०२