बेलौरीका युवाहरुद्वारा गरीब तथा विपन्न परिवारलाई राहत वितरण

प्रेरक प्रसंग

गृहपृष्ठ
प्रेरक प्रसंग
बेलौरीका युवाहरुद्वारा गरीब तथा विपन्न परिवारलाई राहत वितरण

बेलौरीका युवाहरुद्वारा गरीब तथा विपन्न परिवारलाई राहत वितरण

सुदूरपश्चिममा ४ सहित देशभर ९ जनामा कोरोना भाइरसको संक्रमण

आइतबार, चैत २३, २०७६NB Media Network

NULL

कञ्चनपुर, २३ चैत्र । स्थानीय तहमा विशेष गरी लकडाउनको प्रत्यक्ष प्रभाव परेको छ । अति विपन्न वर्गमा देखिएको खाद्यान्नको अभावलाई मध्यनजर गर्दै कञ्चनपुुरको बेलौरीका युवाहरुले गरीब तथा विपन्न परिवारलाई राहत वितरण गरेका छन् । बेलौरी नगरपालिकाका दुुई सक्रिय संगठन बेलौरी काठमाण्डौँ समाज र बेलौरी युवा मञ्च जापानले बेलौरी नगरपालिका वडा नम्बर २, ३, ४, ५, ६ र ७ का ५० विपन्न र गरीब घरपरिवारलाई राहत वितरण गरेका हुन् । उनीहरूले यही चैत्र २० गतेदेखि २२ गतेसम्म राहत सामग्री वितरण गरेका थिए ।

बेलौरी काठमाण्डौँ समाजका सदस्य सन्देश भण्डारी र बेलौरी युवा मञ्च जापानका कोषाध्यक्ष भगीरथ न्यौपानेको अगुवाइमा २० किलो चामल, १ किलो दाल, एक पोका नुन, आधा लिटर तेल र एक थान साबुनका दरले ५० घरधुुरीमा वितरण गरिएको बेलौरी काठमाण्डौँ समाजका सचिव ज्ञानेन्द्र जोशीको भनाइ छ । लक डाउनको कारण कोही पनि भोकै हुन नपरोस् भन्ने उद्देश्यले गरिव तथा विपन्न मजदुरहरुका लागि दैनिक उपभोग्य सामग्री राहत स्वरुप वितरण गर्न उनीहरुले बेलौरीमा विभिन्न दाताहरुबाट राहत संकलन गरेका थिए ।

हालै सरकारले राहत वितरणमा एकद्वार प्रणाली अपनाउन सबैलाई आग्रह गरेको छ । आफुहरूले राहत वितरण गर्दा स्थानीय तहका प्रतिनिधिहरू संग समन्वय गरेको र अझै पनि राहत वितरणका लागि स्थानीय तहलाई सहयोग गरिने बेलौरी युवा मञ्च जापानका कोषाध्यक्ष भगीरथ न्यौपानेको भनाइ छ । कोरोना भाइरस संक्रमणको जोखिम कम गर्न सरकारले देशभर लकडाउको घोषणा गरेसंगै अति विपन्न वर्गमा यसको प्रत्यक्ष प्रभाव परेको छ । हालसम्म सुुदूरपश्चिम प्रदेशमा ४ जना कोरोना संक्रमित भएको पुष्टि भएको छ भने देशभर ९ जनामा कोरोनाको संक्रमण भेटिएको छ ।

प्रकाशित मिति: आइतबार, चैत २३, २०७६ ०९:०४