अपांगता भएका व्यक्तिका लागि अधिकारसम्बन्धी अभिमुखीकरण

जनजीवन

गृहपृष्ठ
जनजीवन
अपांगता भएका व्यक्तिका लागि अधिकारसम्बन्धी अभिमुखीकरण

अपांगता भएका व्यक्तिका लागि अधिकारसम्बन्धी अभिमुखीकरण

शुक्रबार, साउन २, २०८२NB Media Network

हरिश्चन्द्र बाग, कञ्चनपुर, ०२ साउन । एल.डब्ल्यू.एफ.को आर्थिक सहयोग र निड्स नेपालको साझेदारीमा सञ्चालित ‘समुदाय सशक्तिकरण तथा विकासका लागि स्थानीय पहल परियोजना’ अन्तर्गत अपांगता भएका व्यक्तिहरूका लागि अधिकारसम्बन्धी नगरस्तरीय अभिमुखीकरण तालिम सम्पन्न भएको छ ।

तालिम बेलौरी नगरपालिकाको सभाहलमा निड्स नेपालका अध्यक्ष दुर्गा देवी खरेलको अध्यक्षता तथा नगरपालिकाको महिला तथा बालबालिका शाखा प्रमुख विमला बजगाईको प्रमुख आतिथ्यमा सम्पन्न भएको हो ।

तालिममा प्रशिक्षक नन्दराज भट्टले अपांगता भएका व्यक्तिहरूले नेपाल सरकारबाट प्राप्त गर्न सक्ने सेवा, सुविधा तथा अधिकारहरू र नेपालको ऐन कानुनमा व्यवस्था गरिएका अपांगताको हकसम्बन्धी विषयमा जानकारी दिनुभयो । बेलौरी नगरपालिकाका १० वटै वडामा गठन भएका अपांगता समन्वय समिति तथा अपांगता अधिकार मञ्चका प्रतिनिधित्व गर्ने ३० जना सहभागीहरूको सक्रिय सहभागिता रहेको थियो । उहाँहरूले आफ्ना गुनासा, सुझाव तथा जिज्ञासा राख्दै छलफलमा सहभागिता जनाउनु भएको परियोजना संयोजक कविता रोकायाले जानकारी दिनुभयो ।