कञ्चनपुरको बेलौरीमा ‘कृषि, पर्यटन मेला तथा सांस्कृतिक महोत्सव’ सुरु

मनोरञ्जन

गृहपृष्ठ
मनोरञ्जन
कञ्चनपुरको बेलौरीमा ‘कृषि, पर्यटन मेला तथा सांस्कृतिक महोत्सव’ सुरु

कञ्चनपुरको बेलौरीमा ‘कृषि, पर्यटन मेला तथा सांस्कृतिक महोत्सव’ सुरु

सोमबार, पुस ११, २०७९NB Media Network

हरिश्चन्द्र बाग, कञ्चनपुर, ११ पुस । कञ्चनपुरको बेलौरीमा ‘कृषि, पर्यटन मेला तथा सांस्कृतिक महोत्सव’ सुरु भएको छ । बेलौरी नगरपालिका वडा नम्बर ४ स्थित शान्ति माध्यमिक विद्यालयका पूर्व विद्यार्थीहरुको संस्था पूर्व विद्यार्थी समाजले महोत्सव आयोजना गरेको हो । बेलौरीको खुलामञ्चमा सोमबारदेखि सुरु भएको महोत्सव यही पुस २० गतेसम्म जारी रहने महोत्सव संयोजक प्रेमबहादुर थापाले जानकारी दिनुभयो ।

अनाथ तथा गरिब बालबालिकाको सहयोगार्थ आयोजित महोत्सवको नवनिर्वाचित सुदूरपश्चिम प्रदेश सभा सदस्य दिवान सिंह बिष्टले समुद्घाटन गर्नुभएको छ । उद्घाटनका क्रममा प्रदेश सभा सदस्य बिष्टले स्थानीय कला, संस्कृति र सम्पदाहरूको प्रचारप्रसार एवम् प्रवर्द्धन गर्नुपर्नेमा जोड दिनुभयो । महोत्सवमा थारु समुदायका मौलिक खानामा परिकार, कृषि उत्पादित वस्तु तथा सेवाको प्रदर्शनी लगायतका गरी विभिन्न व्यावसायिक स्टल राखिएको छ । महोत्सव अवधिभर राष्ट्रिय र स्थानीय कलाकारहरूको बेजोड प्रस्तुति रहने आयोजकले जनाएको छ ।

प्रकाशित मिति: सोमबार, पुस ११, २०७९