हरिश्चन्द्र बाग, कञ्चनपुर, १२ फागुन । विघटित प्रतिनिधि सभा पुनर्स्थापना गर्ने सर्वोच्च अदालतको फैसला पछि नेपाल कम्युनिष्ट पार्टी (नेकपा) को प्रचण्ड-नेपाल समूहसँगै प्रतिनिधि सभा पुनर्स्थापना पक्षधरहरुले देशभर विजयोत्सव मनाइरहेका छन् । प्रधानन्यायाधीश चोलेन्द्र शम्शेर जवरा सहित पाँच जनाको संवैधानिक इजलासले प्रतिनिधि सभा पुनर्स्थापनाको फैसला मात्रै गरेन, विघटित प्रतिनिधि सभाको बैठक १३ दिनभित्र डाक्न परमादेश समेत जारी गरेको छ ।
यता कञ्चनपुर जिल्लामा समेत प्रतिनिधि सभा पुनर्स्थापना गर्ने सर्वोच्च अदालतको फैसलाको स्वागतमा दीपावली गरिएको छ । नेपाल कम्युनिष्ट पार्टी (नेकपा) का प्रदेश कमिटि सदस्य एवं बेलौरी नगरपालिकाका नगर प्रमुख पोतिलाल चौधरीको नेतृत्वमा कञ्चनपुरको बेलौरी बजारमा मंगलबार बेलुकी दीपावली गरिएको बेलौरी नगरपालिकाका नगर प्रवक्ता विनोद नेपालीको भनाइ छ ।
त्यस्तै, बेलौरीको कलकत्ता लगायत विभिन्न ग्रामीण क्षेत्रमा समेत विघटित प्रतिनिधि सभा पुनर्स्थापना गर्ने सर्वोच्च अदालतको फैसलाको स्वागतमा दीपावली गरिएको खबर प्राप्त भएको छ । यस अवसरमा कञ्चनपुरको महेन्द्रनगर सहित अन्य ठाउँहरुमा समेत दीपावली गरिएको बताइएको छ । नेपाल कम्युनिष्ट पार्टी (नेकपा) को प्रचण्ड-नेपाल समूहका नेता कार्यकर्ताहरुले जनताको पक्षमा सर्वोच्च अदालतले फैसला गरेको प्रतिक्रिया दिएका छन् ।
सर्वोच्च अदालतको फैसला हेर्न यहाँ क्लिक गर्नुहोस् ।
NULL
