संविधान दिवसका अवसरमा कञ्चनपुरको बेलौरीमा दीपावली मनाइएको छ । बेलौरी नगरपालिका कार्यालयले स्थानीय जनप्रतिनिधिहरू, कर्मचारीहरू, विभिन्न राजनैतिक दल, उद्योग वाणिज्य संघ, सुरक्षा निकाय, सञ्चारकर्मी, व्यापारी लगायत विभिन्न क्षेत्रमा आबद्ध प्रतिनिधिहरूका उपस्थितिमा आफ्नै परिसरमा दीप प्रज्वलन गरी संविधान दिवस मनाइएको बेलौरी नगरपालिकाका प्रमुख प्रशासकीय अधिकृत सुशीला लेखकले जानकारी दिनुभयो । त्यस्तै, नेकपा एमाले र शुभेच्छुक सङ्गठनहरूका प्रतिनिधिहरूका उपस्थितिमा बेलौरी बजार स्थित भीमदत्त चोकमा दीप प्रज्वलन गरिएको नेकपा एमाले बेलौरी नगर कमिटीका अध्यक्ष बाबुराम न्यौपानेले बताउनु भयो । बेलौरी नगरपालिकाका वडा कार्यालयहरू, विभिन्न राजनीतिक दल, शैक्षिक, सामाजिक, व्यापारिक संघसंस्थाहरू, बैङ्क तथा वित्तीय संस्थाहरू तथा सर्वसाधारण नागरिकहरूले समेत सोमबार साँझ विभिन्न क्षेत्रमा दीप प्रज्वलन गरी हर्षोल्लासका साथ संविधान दिवस मनाएका छन् ।
