इलाका प्रहरी कार्यालय बेलडाँडीद्वारा पूर्व प्रहरीहरूसँग छलफल तथा परिचयात्मक कार्यक्रम

जनजीवन

गृहपृष्ठ
जनजीवन
इलाका प्रहरी कार्यालय बेलडाँडीद्वारा पूर्व प्रहरीहरूसँग छलफल तथा परिचयात्मक कार्यक्रम

इलाका प्रहरी कार्यालय बेलडाँडीद्वारा पूर्व प्रहरीहरूसँग छलफल तथा परिचयात्मक कार्यक्रम

सोमबार, जेठ १, २०८०NB Media Network

कञ्चनपुर, ०१ जेठ । कञ्चनपुरको बेलडाँडीमा रहेको इलाका प्रहरी कार्यालय बेलडाँडीले सोमबार पूर्व प्रहरीहरूसँग छलफल, अन्तरक्रिया तथा परिचयात्मक कार्यक्रम गरेको छ । बेलडाँडी इलाका प्रहरी कार्यालयको परिसरमा शान्ति सुरक्षाका विषयलाई प्रभावकारी बनाउन पूर्व प्रहरी कर्मचारीहरूसँग छलफल गरिएको बेलडाँडी इलाका प्रहरी कार्यालयले जनाएको छ । समुदाय प्रहरी साझेदारी कार्यक्रम अन्तर्गत पूर्व प्रहरी कर्मचारीहरूसँग छलफल तथा अन्तरक्रिया कार्यक्रम गरिएको बेलडाँडी इलाका प्रहरी कार्यालयका प्रमुख प्रहरी निरीक्षक पुष्कर पन्तले जानकारी दिनुभयो ।

उक्त कार्यक्रममा पूर्व प्रहरी कर्मचारीहरू बिच अनुभवको आदानप्रदान तथा राय सुझाव लिइएको थियो । पूर्व प्रहरी कर्मचारीबाट समाजमा शान्ति सुरक्षा, अपराध नियन्त्रण, खबर सङ्कलनमा सहयोग हुने आशाका साथ यस्तो कार्यक्रम आयोजना गरिएको प्रहरी निरीक्षक पन्तले बताउनु भयो । उहाँका अनुसार आगामी दिनहरूमा पूर्व प्रहरी कर्मचारीहरूको राय सुझाव लिई शान्ति सुरक्षालाई थप प्रभावकारी बनाइने छ । बेलडाँडीमा पूर्व प्रहरी कर्मचारी करिब ४५ जना जति रहेको र २२ जना अहिले कमिटीमा रहेको जनाइएको छ ।

प्रकाशित मिति: सोमबार, जेठ १, २०८०