जारी मुद्दाका फरार कसुरदार २९ वर्षपछि पक्राउ

खास खबर

गृहपृष्ठ
खास खबर
जारी मुद्दाका फरार कसुरदार २९ वर्षपछि पक्राउ

जारी मुद्दाका फरार कसुरदार २९ वर्षपछि पक्राउ

सोमबार नै लागु औषध सहित एक जना पक्राउ

सोमबार, फागुन २९, २०७९NB Media Network

हरिश्चन्द्र बाग, कञ्चनपुर, २९ फागुन । कञ्चनपुर प्रहरीले जारी मुद्दाका एक जना फरार कसुरदारलाई २९ वर्षपछि पक्राउ गरेको छ । सोमबार साँझ जिल्ला प्रहरी कार्यालय कञ्चनपुरबाट खटिएको प्रहरी विशेष टोलीले कञ्चनपुरको दोधारा चाँदनी नगरपालिका वडा नम्बर ५ बाबाथान बस्ने धन बहादुर थापालाई पक्राउ गरेको हो ।

२०५० फागुन २३ गते जिल्ला अदालत दैलेखबाट जारी केश मुद्दामा फरार रहेका अभियुक्त थापालाई उनकै घरबाट पक्राउ गरी जिल्ला अदालत कञ्चनपुरमा बुझाइएको र अदालतले रु. एक हजार जरिवाना र एक महिना कैद भुक्तानको लागि कञ्चनपुर कारागार पठाइएको कञ्चनपुर प्रहरी प्रवक्ता प्रहरी नायब उपरीक्षक प्रकाश डाँगीले जानकारी दिनुभयो ।

त्यस्तै, सोमबार नै लागु औषध सहित एक जनालाई पक्राउ गरिएको प्रहरीले जनाएको छ । कञ्चनपुरको वेदकोट नगरपालिका वडा नम्बर ७ बस्ने मदनदेव भट्टलाई विशेष सुराकीको आधारमा शङ्का लागि चेकजाँच गर्दा ०.०७२ ग्राम लागु औषध (चरेस) फेला पारी कानुन बमोजिम बरामद गरिएको र उनलाई नियन्त्रणमा लिई थप अनुसन्धान कार्य भइरहेको प्रहरी प्रवक्ता डाँगीले बताउनु भयो ।

प्रकाशित मिति: सोमबार, फागुन २९, २०७९