कञ्चनपुर, ३० पुस । कञ्चनपुरको पुनर्वास नगरपालिकाले बाह्राैँ नगर सभा तथा हिउँदे अधिवेशन सम्पन्न गरेको छ । शनिबार नगरकै सभाहलमा गरिएकाे नगर सभा तथा हिउँदे अधिवेशनबाट सात वटा प्रस्तावहरू पारित गरिएको बताइएकाे छ । चालु आर्थिक वर्ष २०७९/०८० को पुस मसान्तसम्मको चालु खर्च ३२.७० प्रतिशत र पुँजीगत खर्च १४.१० प्रतिशत खर्च गरिएको नगर प्रमुख तोयप्रसाद शर्माले बाह्राैँ नगर सभामा उल्लेख गर्नुभयाे ।
स्थानीय तह संस्थागत स्वमूल्याङ्कनको आर्थिक वर्ष २०७८/७९ को मूल्याङ्कनमा प्रारम्भिक नतिजा प्राप्ताङ्क ७२ अङ्क र वित्तीय जाेखिम मूल्याङ्कनको आर्थिक वर्ष २०७८/७९ को मूल्याङ्कनमा ७६ अङ्क दाबी गरिएको छ । यस्तै नगरपालिकाको आगामी आर्थिक वर्ष २०८०/८१ को अनुमानित आयव्यय ८४ करोड ४० लाख पु¥याउने लक्ष्य लिइएको छ । चालु आर्थिक वर्षको रकम संशोधन गर्ने र आर्थिक वर्ष २०७९/८० मा निर्माण भएका कार्यविधि निर्देशिका अनुमोदन गर्ने प्रस्ताव समेत पारित गरिएको छ । बाह्राैँ नगर सभाले नगरपालिकाको आर्थिक, सामाजिक, सांस्कृतिक तथा पर्यटकीय विकासमा टेवा पु¥याएको भन्दै पुनर्वासका ६ जना पत्रकारहरूलाई सम्मानित गरिएकाे पुनर्वास नगरपालिकाका उपप्रमुख भुलिया रानाले जानकारी दिनुभयाे ।
