बेलौरी नगरपालिकाका हाकिम निरीह कि वडा सचिव अटेरी ?

स्थानीय सरकार

गृहपृष्ठ
स्थानीय सरकार
बेलौरी नगरपालिकाका हाकिम निरीह कि वडा सचिव अटेरी ?

बेलौरी नगरपालिकाका हाकिम निरीह कि वडा सचिव अटेरी ?

बिहीबार, फागुन १८, २०७९NB Media Network

हरिश्चन्द्र बाग, कञ्चनपुर, १८ फागुन । कञ्चनपुरको बेलौरी नगरपालिका कार्यालयको निर्णय अनुसार २०७९ पौष ७ गतेको चलानी नम्बर १२९५ र १२९७ को पत्रमा बेलौरी नगरपालिका वडा नम्बर २ का वडा सचिव श्याम कुमार रानालाई बेलौरी नगरपालिका वडा नम्बर ८ मा र वडा नम्बर ८ का वडा सचिव सञ्जीव चौधरीलाई वडा नम्बर २ मा अर्को व्यवस्था नभएसम्मका लागि कामकाज गर्न खटाइएको उल्लेख छ ।

बेलौरी नगरपालिकाका प्रमुख प्रशासकीय अधिकृत नर बहादुर विकद्वारा हस्ताक्षरित उक्त पत्र दुवै वडा सचिव र वडा कार्यालयसम्म पनि पुग्यो । तर पालिकाकै एक वडाबाट अर्को वडामा खटाइएका दुवै जना वडा सचिवहरू अझैसम्म पनि खटाएको ठाउँमा हाजिर भएका छैनन् । सरुवा गरिएको अढाई महिना पुग्दा समेत दुवै जना वडा सचिवहरू हाल साबिककै वडामा काम गरिरहेका छन् । तर उनीहरूलाई साबिककै वडामा काम गर्न नगरपालिकाले अर्को पत्र पठाएको भने देखिँदैन । यस विषयमा सोधपुछ गर्दा प्रमुख प्रशासकीय अधिकृत विकले कुनै प्रतिक्रिया दिन मानेनन् ।

दुवै जनालाई एक अर्को वडामा खटाइएको लामो समयसम्म पनि किन नगएको भन्ने जिज्ञासामा वडा सचिव सञ्जीव चौधरी भन्छन्, "श्याम सरलाई ८ नम्बरमा खटाइएकोमा उहाँ नआउँदा आफू ८ नम्बर वडामै बस्नु परेको हो, अटेरी गरेको होइन ।" सोही जिज्ञासामा वडा सचिव श्याम कुमार राना भन्छन्, "मैले वडा नम्बर २ सहित ९ र १० पनि हेर्नु परिरहेको छ । यो दुःख कस्ले बुझ्ने ?" वडा सचिवहरूको आवश्यक व्यवस्थापनको जिम्मेवारी नगरपालिका कार्यालयका प्रमुख प्रशासकीय अधिकृतको हो । तर प्रमुख प्रशासकीय अधिकृत विकले मातहतका कर्मचारीलाई नत खटाएको ठाउँमा पठाउने क्षमता पुष्टि गर्न सकेका छन्, न अर्को पत्र पठाई पुरानो निर्देशन रद्द गर्न नै । केवल निरीह मात्रै ।

प्रकाशित मिति: बिहीबार, फागुन १८, २०७९