टिकापुरका बाढी प्रभावित १३० घरधुरीलाई खाद्यान्न वितरण

फोटो फिचर

गृहपृष्ठ
फोटो फिचर
टिकापुरका बाढी प्रभावित १३० घरधुरीलाई खाद्यान्न वितरण

टिकापुरका बाढी प्रभावित १३० घरधुरीलाई खाद्यान्न वितरण

आइतबार, मंसिर १२, २०७८NB Media Network

हरिश्चन्द्र बाग, कैलाली । कैलालीको टिकापुरका बाढी प्रभावित १३० घरधुरीलाई खाद्यान्न वितरण गरिएको छ । मिसिओ तथा कारितास नेपालको सहयोग, निड्स नेपालको सहकार्य र टिकापुर नगरपालिकाको समन्वयमा आइतबार खाद्यान्न वितरण गरिएको बताइएको छ । निड्स नेपालका दक्षता परियोजना कार्यक्रम संयोजक विनोद सिंह कडाराका अनुसार टिकापुर नगरपालिका वडा नम्बर ८ बटनपुरका बाढी प्रभावित १३० घरधुरीहरूलाई प्रतिपरिवार २५ किलोग्राम चामल, २ किलोग्राम दाल, २ लिटर तेल, २ किलोग्राम नुन, २०० ग्राम बेसार पाउडर, २०० ग्राम खुर्सानी पाउडर लगायतका सामग्री वितरण गरिएको छ ।

खाद्यान्न सामग्री वितरण कार्यक्रममा टिकापुर नगरपालिकाका जनप्रतिनिधि, निड्स नेपालका प्रतिनिधि, भल्भन्सा लगायतको पनि उपस्थिति रहेको थियो । सोही क्रममा वडा सदस्य राजु चौधरीले दातृ संघसंस्थाहरूको सहयोगमा निड्स नेपालले सहकार्य गर्दै वितरण गरेको खाद्यान्नले ठुलो राहत पु¥याएको बताउनु भयो । सो कार्यक्रमको वडा सदस्य लगायत सबै वक्ताहरूले सह्राना गर्नु भएको छ । गत असोज मसान्तदेखि कार्तिक पहिलो सातासम्म परेको बेमौसमी अविरल वर्षाले सुदूरपश्चिम सहित देशका विभिन्न क्षेत्रमा जनधनको ठुलो क्षति पु¥याएको थियो ।