पुनर्वासका पत्रकार जोशीले शैक्षिक सामग्री सहयोग गर्दै मनाए जन्मोत्सव

प्रेरक प्रसंग

गृहपृष्ठ
प्रेरक प्रसंग
पुनर्वासका पत्रकार जोशीले शैक्षिक सामग्री सहयोग गर्दै मनाए जन्मोत्सव

पुनर्वासका पत्रकार जोशीले शैक्षिक सामग्री सहयोग गर्दै मनाए जन्मोत्सव

शनिबार, कात्तिक २७, २०७८NB Media Network

कञ्चनपुर, २७ कार्तिक । विगत एक दशक देखि कञ्चनपुरको पुनर्वासमा पत्रकारिता गर्दै आएका पत्रकार हरिलाल जोशीले शनिबार आफ्नो जन्मदिन शैक्षिक सामग्री सहयोग गरेर मनाएका छन् । हेल्लो पुनर्वास दैनिक पत्रिकाका बेलाैरी-पुनर्वास ब्युरो प्रमुख रहेका जोशीले पुनर्वास-५ मा रहेको गौरीशङ्कर माध्यमिक विद्यालयको बाल कक्षा र एक कक्षाका ४२ जना विद्यार्थीहरूका लागि शैक्षिक सामग्री सहयोग गरेर मनाएका हुन् । विद्यालय बन्द भए पनि पत्रकार जोशीले उक्त शैक्षिक सामग्री आइतबार विद्यार्थीहरूलाई वितरण गरिदिन विद्यालयका प्रधानाध्यापक लोकबहादुर थापालाई हस्तान्तरण गरेका थिए ।

जन्मदिनमा अनावश्यक खर्च गर्नु भन्दा गरिब तथा जेहेन्दार बालबालिकालाई थाेरै मात्रामा भए पनि शैक्षिक सामग्री सहयोग गर्न सके बालबालिकालाई केही राहत मिल्ने पत्रकार जोशीले बताए । उनले अरूलाई पनि यस्ता कार्यक्रममा हुने खर्च घटाएर सामाजिक सेवामा खर्च गर्न अनुरोध गरेका छन् । पत्रकार जोशीले सोही विद्यालयबाट कक्षा ४ देखि उच्च माध्यमिक तह सम्मको शिक्षा हासिल गरेका थिए ।

प्रकाशित मिति: शनिबार, कात्तिक २७, २०७८