टिकटाक स्टार अंशु वर्माद्वारा महिला तथा वृद्ध सेवा केन्द्रलाई खाद्यान्न सहयोग

प्रेरक प्रसंग

गृहपृष्ठ
प्रेरक प्रसंग
टिकटाक स्टार अंशु वर्माद्वारा महिला तथा वृद्ध सेवा केन्द्रलाई खाद्यान्न सहयोग

टिकटाक स्टार अंशु वर्माद्वारा महिला तथा वृद्ध सेवा केन्द्रलाई खाद्यान्न सहयोग

मंगलबार, पुस ६, २०७८NB Media Network

कञ्चनपुर । पछिल्लो समय टिकटाकमा चर्चित कञ्चनपुरका अंशु वर्मा निरन्तर सामाजिक कार्यमा सक्रिय छन् । जहाँ दिन दुःखी; त्यहाँ हाम्रो टिम भन्ने नाराका साथ वर्मा सामाजिक कार्यमा लागिपरेका छन् । सोही अभियान अन्तर्गत टिकटाक स्टार बर्माले मंगलबार कञ्चनपुरको भीमदत्त नगरपालिकास्थित महिला तथा वृद्ध सेवा केन्द्रमा सहयोग गरेका हुन् । उनले टिकटाक लाइभमार्फत भएको आम्दानीबाट सेवा केन्द्रमा सहयोग गरेको बताएका छन् ।

उनले केन्द्रलाई ६ पेटी चाउचाउ, २ दर्जन बिस्कुट, मिठाइ र फलफूल वितरण गरेका छन् । आफ्नो आम्दानीबाट असहायलाई सहयोग गर्ने उद्देश्यका साथ खाद्यान्न सहयोग गरिएको बर्माले बताए । बेला–बेलामा विभिन्न सामाजिक कार्य गर्दै आएका वर्माले यसअघि अनाथालय, वृद्ध सेवा केन्द्र र बाढी पीडितलाई पनि सहयोग गरेको थिए ।

आर्थिक अवस्था कमजोर भएका, समस्यामा परेका व्यक्तिलाई निरन्तर रूपमा सहयोग गर्दै आएका छौँ’ उनले भने, 'असहायलाई सहयोग गर्दा उहाँको दैनिकी सहज हुन सक्छ, सबैले सामाजिक क्षेत्रमा सहयोग गर्नुपर्छ ।’ सहयोग कार्यक्रममा अंशु वर्मा,वासुदेव भट्ट, नवीन भट्ट, गायत्री भट्ट (गीत), अमन सिंह, महेन्द्र सिंह लगायतको सहभागिता रहेको थियो ।

प्रकाशित मिति: मंगलबार, पुस ६, २०७८