प्रविधिको प्रयोग गर्दै युट्युब मार्फत वैकल्पिक शिक्षण : धर्मानन्द जोशी

विज्ञान - प्रविधि

गृहपृष्ठ
विज्ञान - प्रविधि
प्रविधिको प्रयोग गर्दै युट्युब मार्फत वैकल्पिक शिक्षण : धर्मानन्द जोशी

प्रविधिको प्रयोग गर्दै युट्युब मार्फत वैकल्पिक शिक्षण : धर्मानन्द जोशी

शनिबार, जेठ ८, २०७८NB Media Network

नेपाल लगायत विश्वका अधिकांश देशहरूमा महामारीका रूपमा फैलिएको कोभिड १९ को सङ्क्रमण रोकथाम र नियन्त्रणका लागि सरकारले देशभरका शिक्षण संस्थाहरूमा भौतिक उपस्थितिमा गरिने अध्ययन अध्यापन कार्य स्थगित गरेको छ । यस परिस्थितिमा वैकल्पिक शिक्षण विधिको प्रयोगले ठूलो सहयोगी भूमिका निर्वाह गर्दछ । यसै सन्दर्भमा कञ्चनपुरको वेदकोट नगरपालिका वडा नम्बर ५ मा बसोबास गर्ने, हाल ज्ञान बाटिका मावि सुडामा शिक्षण गर्दै आएका शिक्षक धर्मानन्द जोशीले विद्यालयहरू बन्द भएको अवस्थामा प्रविधिको प्रयोग गर्दै शिक्षण कार्यलाई निरन्तरता दिएका छन् । लामो समयसम्म शिक्षण क्षेत्रमा भएको नोक्सानीलाई मध्यनजर गरेर जोशीले प्रविधिको प्रयोग गर्दै युट्युब मार्फत विद्यार्थीहरूको लागि नयाँ टिप्स, नयाँ विधि मार्फत हरेक दिन कक्षा ८,९ र १० को गणित र ऐच्छिक गणित विषयको पढाइ सञ्चालन गरेका छन् ।

उनी भन्छन्, " गत वर्ष पनि कोभिडको कारणले गर्दा लामो समयसम्म स्कुलहरू बन्द भए, त्यो बेला नि अनलाइन कक्षा सञ्चालन भएका थिए । त्यो सबै विद्यार्थीका लागि प्रभावकारी भएन, धेरै जसो विद्यार्थीको आर्थिक अवस्था कमजोर, सबैसँग फोनको व्यवस्था नहुनु, पढाएको बेला नेटले काम नगर्नु, शिक्षकले बोलेको विद्यार्थीसम्म पुग्न नसक्नु जस्ता थुप्रै समस्याहरू थिए । ती समस्याहरूलाई मध्यनजर गर्दै नयाँ प्रविधिका साथमा पढाउन थाले युट्युब च्यानलबाट । विद्यार्थीले यो प्रविधिसँग जोडिन युट्युबमा गई DN Education for all सर्च गरेर हेर्न सक्छन् । एकचोटी like, share र subscribe गर्ने बित्तिकै दैनिक upload भएको भिडियोहरू प्राप्त गर्न सकिन्छ । विद्यार्थीहरूलाई समय मिलेको बेला सजिलैसँग हेर्न सक्छन् । यी भिडियोहरूमा श्रव्य र दृश्य सामग्रीको प्रयोग गरिएको हुनाले विद्यार्थीहरूले सजिलै बुझ्न सक्छन् । नबुझिएको ठाउँमा comment गरी सोध्न सकिन्छ । पछिल्लो समयमा यो विधि धेरै नै प्रभावकारी मानिएको हुनाले सम्पूर्ण अग्रज अभिभावक ज्यूलाई आफ्ना नानीबाबुलाई यो प्रविधिसँग जोडिन आग्रह गर्दछु । "

प्रकाशित मिति: शनिबार, जेठ ८, २०७८