सबैले आआफ्नो जिम्मेवारी र दायित्व बोध गरी कार्य गरौँ : सांसद बिष्ट

शिक्षा

गृहपृष्ठ
शिक्षा
सबैले आआफ्नो जिम्मेवारी र दायित्व बोध गरी कार्य गरौँ : सांसद बिष्ट

सबैले आआफ्नो जिम्मेवारी र दायित्व बोध गरी कार्य गरौँ : सांसद बिष्ट

महाकाली बहुमुखी क्याम्पसको ३१औँ वार्षिकोत्सव

सोमबार, फागुन १५, २०७९NB Media Network

हरिश्चन्द्र बाग, कञ्चनपुर, १५ फागुन । सुदूरपश्चिम प्रदेश सभा सदस्य दिवान सिंह बिष्टले आआफ्नो जिम्मेवारी र दायित्व बोध गरी कार्य गर्न सबैलाई अनुरोध गर्नु भएको छ । कञ्चनपुरको बेलौरीमा रहेको महाकाली बहुमुखी क्याम्पसको ३१औँ वार्षिकोत्सवका अवसरमा सोमबार क्याम्पसमा आयोजित विशेष समारोहलाई सम्बोधन गर्दै सांसद बिष्टले यस क्षेत्रको सर्वाङ्गीण विकासका लागि सबैले आआफ्नो क्षेत्रबाट इमानदार र कर्तव्यनिष्ठ भएर लाग्नुपर्नेमा जोड दिनुभयो । महाकाली बहुमुखी क्याम्पसले शैक्षिक क्षेत्रमा पुर्‍याएको योगदानको चर्चा गर्दै उहाँले क्याम्पसको गुणस्तर सुधार गर्न र आवश्यक आधारभूत सेवा सुविधाहरूको परिपूर्ति गर्दै स्तरोन्नति गर्न आफ्नो क्षेत्रबाट पूर्ण रूपमा सहयोग गर्ने प्रतिबद्धता समेत जनाउनु भयो ।

महाकाली बहुमुखी क्याम्पस सञ्चालक समितिका अध्यक्ष हरेन्द्र सिंह बिष्टले क्याम्पसबाट प्रदान गरिने शिक्षालाई समयानुकूल, गुणस्तरीय र प्रभावकारी बनाउनका लागि आधुनिक प्रविधिको प्रयोग गर्न सफल भएको उल्लेख्य गर्नुभयो । उहाँले महाकाली बहुमुखी क्याम्पसलाई उच्च शिक्षाको मुख्य केन्द्रका रूपमा स्थापित गर्ने लक्ष्यका साथ केन्द्रित भएको र हालैबाट स्नातकोत्तर तहको पठनपाठन सुरुवात गर्न गइरहेको बताउनुभयो । महाकाली बहुमुखी क्याम्पसका क्याम्पस प्रमुख धर्मराज जोशीले वार्षिक प्रगति र आर्थिक प्रगति प्रतिवेदन प्रस्तुत गर्नुभएको थियो ।