कञ्चनपुर, १९ फागुन । शनिबारबाट सुरु हुने सातौँ लालझाडी कप फुटबल प्रतियोगिताको तयारी पुरा भएको छ । लालझाडी युवा क्लब ११ पुनर्वासको आयोजनामा फागुन २० गतेबाट सुरु हुन लागेको मोहन गुरुङ स्मृति वडा अध्यक्ष सातौँ लालझाडी कप फुटबल प्रतियोगिताको तयारी पुरा भएको शुक्रबार आयोजकले पत्रकार सम्मेलनको आयोजना गरी जानकारी दिएको हो ।
प्रतियोगितामा १६ टिमको सहभागिता रहने र सो प्रतियोगिताको विजेताले रु दुई लाख ११ हजार एक सय ११ साथमा सानदार ट्रफी र उपविजेताले नगद रु एक लाख ११ हजार एक सय ११ साथमा सानदार ट्रफी पाउने क्लबका अध्यक्ष काशीराम बोहराले जानकारी दिनुभयो । यस्तै उत्कृष्ट खेलाडीलाई रु दश हजार, उत्कृष्ट फरवार्ड, उत्कृष्ट डिफेन्स, उत्कृष्ट गोलकर्ता र उत्कृष्ट उदयमान खेलाडीलाई जनही रु पाँच हजार प्रदान गरिने छ भने प्रत्येक म्याचको म्यान अफ दि म्याचलाई एक हजार एक सय दिइने आयोजकले जनाएको छ ।प्रतियोगिताको उद्घाटन सुदूरपश्चिम प्रदेश सभा सदस्य वीर बहादुर थापाले गर्ने आयोजकले जानकारी दिएको छ । उक्त प्रतियोगितालाई आयोजकले कञ्चनपुर जिल्लाकै हालसम्मको सर्वाधिक धनराशिको फुटबल प्रतियोगिता दाबी गरेको छ ।
फागुन ३० गतेसम्म सञ्चालन हुने सो प्रतियोगिताको मुख्य प्रायोजकमा पुनर्वास नगरपालिका वडा नम्बर १० रहेको छ भने सह प्रयोजकमा श्री चन्द्र सूर्य इँटा उद्योग पुनर्वास १० रहेको छ । यस्तै प्रतियोगिताको संरक्षकमा पुनर्वास नगरपालिका र लालझाडी गाउँपालिका तथा कञ्चनपुर जिल्ला फुटबल सङ्घ रहेका छन् । ड्रिम एजुकेसन कन्सल्टेन्सी सेन्टर धनगढीले म्यान अफ दि म्याचको पुरस्कार प्रदान गर्ने भएको छ । यस्तै उत्कृष्ट खेलाडी प्रायोजकमा सुदूरपश्चिम फुटबल एकेडेमी पुर्नवास, उत्कृष्ट फरवार्ड प्रायोजकमा एमबीएल स्टिल एण्ड आल्मुनियम उद्योग धनगढी, उत्कृष्ट मिड फिल्डरको प्रायोजकमा एबीडी निमार्ण सेवा धनगढी रहेको छ ।
यस्तै रिदम फलसिलिङ डेकोरेसन हाउस धनगढीले उत्कृष्ट डिफेन्सको पुरस्कार दिनेछ भने डी एण्ड डी ट्रेड एण्ड कनर्स उत्कृष्ट गोल रक्षकको प्रायोजकमा जोडिएको छ । प्रतियोगिताको सर्वाधिक गोल कर्ता प्रायोजकमा श्री विजय मावि पुनर्वास १०, उदयमान खेलाडी श्री फारवेष्ट ईन्टरनेशनल स्कुल पुनर्वास १० रहेको छ । बैङ्किङ पार्टनरमा माछापुच्छ्रे बैक पुनर्वास ३ कञ्चनपुर जोडिएको छ भने हस्पिटल पार्टनरमा निसर्ग हस्पिटल एण्ड रिसर्च सेन्टर धनगढी र मिडिया पार्टनरमा नागरिक आवाज अनलाइन जोडिएको छ ।
