🔴✔️ प्रधानमन्त्रीको राजीनामा स्वीकृत; नागरिकलाई संयमता अपनाउन आग्रह

संघीय सरकार

गृहपृष्ठ
संघीय सरकार
🔴✔️ प्रधानमन्त्रीको राजीनामा स्वीकृत; नागरिकलाई संयमता अपनाउन आग्रह

🔴✔️ प्रधानमन्त्रीको राजीनामा स्वीकृत; नागरिकलाई संयमता अपनाउन आग्रह

मंगलबार, भदौ २४, २०८२NB Media Network

हरिश्चन्द्र बाग, काठमाडौं, २४ भदौ । प्रधानमन्त्री केपी शर्मा ओलीको राजीनामा राष्ट्रपति रामचन्द्र पौडेलले स्वीकृत गरेसँगै मुलुकका उच्च पदस्थ प्रशासनिक तथा सुरक्षा निकाय प्रमुखहरूले संयुक्त अपिल जारी गरेका छन् । मुख्य सचिव एकनारायण अर्याल, प्रधान सेनापति अशोक राज सिग्देल, गृह सचिव गोकर्णमणी दुवाडी, सशस्त्र प्रहरीका महानिरीक्षक राजु अर्याल, नेपाल प्रहरीका महानिरीक्षक चन्द्र कुवेर खापुङ र राष्ट्रिय अनुसन्धान विभागका प्रमुख अनुसन्धान निर्देशक हुतराज थापाले मंगलबार अपिल जारी गर्दै नागरिकलाई संयमता अपनाउन आग्रह गरेका हुन् ।

अपिलमा हिजोदेखि काठमाडौंसहित देशका विभिन्न भागमा भएको प्रदर्शनका क्रममा ठूलो जनधनको क्षति भएको उल्लेख गर्दै ज्यान गुमाउनेहरूप्रति श्रद्धाञ्जली र पीडित परिवारप्रति गहिरो समवेदना व्यक्त गरिएको छ । “सम्माननीय प्रधानमन्त्रीज्यूको राजीनामा स्वीकृत समेत भएको हुँदा यस विषम परिस्थितिमा थप जनधनको क्षति हुन नदिन आम नागरिक सबैलाई संयमित हुन हार्दिक आग्रह गर्दछौं,” अपिलमा भनिएको छ । साथै, उत्पन्न परिस्थिति समाधानका लागि राजनीतिक संवादमार्फत छिटो शान्तिपूर्ण समाधान खोज्न सम्बद्ध सबै पक्षलाई पनि अपिल गरिएको छ ।