एकाबिहानै डिउ किन्ने ग्राहकहरुको भिड

फोटो फिचर

गृहपृष्ठ
फोटो फिचर
एकाबिहानै डिउ किन्ने ग्राहकहरुको भिड

एकाबिहानै डिउ किन्ने ग्राहकहरुको भिडपुनर्वास नगर कार्यपालिकाले गरेको निर्णयमा पुनर्विचार गर्न सक्ने

आइतबार, वैशाख ७, २०७७NB Media Network

NULL

हरिश चन्द्र बाग, कञ्चनपुर, ०७ बैशाख ।

यी तस्बिरहरु हुन्, कञ्चनपुरको पुनर्वास स्थित आइबिआरडी बजारका । गएराति ३ बजेदेखि स्थानीय व्यापारीले चिसो पेय पद्दार्थ (डिउ) बिक्रि वितरण शुरु गरेपछि सयौँको संख्यामा स्थानीय ग्राहकहरु डिउ किन्न त्यहाँ पुगे । अत्यधिक भिडभाड भएको खबर पाएपछि नेपाल प्रहरीको टोली समेत त्यहाँ पुग्यो । तर प्रहरी टोलीले समेत उक्त भिडलाई नियन्त्रणमा लिन सकेन । प्रहरीले भिड कम गराउन खोज्दा स्थानीय ग्राहकहरुले प्रहरी माथि नै झम्टिने प्रयास समेत गरेका थिए ।

विश्वव्यापी महामारीका रुपमा फैलिएको कोरोना भाइरसको संक्रमण थप बढ्न नदिन नेपाल सरकारले देशभर नै बन्दाबन्दी (लक डाउन) जारी गरेको छ । यो अवधिमा कञ्चनपुरको पुनर्वास नगरपालिकाले पनि सरकारको निर्णयलाई कडाइका साथ पालना गर्ने जनाएको छ । तर पुनर्वास नगरपालिकाले केही दिन पहिले कार्यपालिका बैठकबाटै औषधी पसलहरु नियमित र खाद्यान्नका पसलहरु प्रत्येक आइतबार बिहान ७ देखि १० बजेसम्म र प्रत्येक बुधबार साँझ ५ देखि ७ बजेसम्म खोल्न पाउने र आवश्यक परेका ग्राहकहरुले खरिद गर्न पाउने निर्णय गरेको पुनर्वास नगरपालिकाका उपप्रमुख शारदा शर्मा बिष्टले जानकारी दिनुभयो । नागरिकको सहजताका लागि गरिएको निर्णयले अव्यवस्थित परिस्थिति सृजना हुन थालेपनि कार्यपालिकाले उक्त निर्णयमा पुनर्विचार गर्न सक्ने उहाँले बताउनु भएको छ ।

प्रकाशित मिति: आइतबार, वैशाख ७, २०७७