अत्यावश्यक खाद्यान्न तथा शैक्षिक सामग्री वितरण

प्रेरक प्रसंग

गृहपृष्ठ
प्रेरक प्रसंग
अत्यावश्यक खाद्यान्न तथा शैक्षिक सामग्री वितरण

अत्यावश्यक खाद्यान्न तथा शैक्षिक सामग्री वितरण

युवा सङ्गठनले अन्य अतिविपन्न परिवार पहिचान गरी राहत वितरण समेत गर्दै

बुधबार, जेठ १९, २०७८NB Media Network

कञ्चनपुर, १९ जेठ । विवेकशील साझा सद्भाव समूह, डेनमार्कको आर्थिक सहयोगमा युवा सङ्गठन कञ्चनपुरले बैजनाथ धाम ज्येष्ठ नागरिक सेवा केन्द्र वेदकोट र समाज कल्याण अञ्चल बाल अनाथालय महेन्द्रनगरमा अत्यावश्यक खाद्यान्न तथा शैक्षिक सामग्री वितरण गरेको छ । अभियानमा पहल गर्नुहुने डेनमार्कमा बस्नुहुने दर्शन चन्द, रोशन खतिवडा, प्राविधिक सहयोग गर्नुहुने प्रभात किरण, अन्तर्राष्ट्रिय समितिका सहसंयोजक एसके श्रेष्ठ, कञ्चनपुरमा सक्रिय नेतृत्व गर्नुहुने नवीन बिष्ट लगायत सम्पूर्ण युवाहरू तथा आर्थिक सहयोग गर्नुहुने सम्पूर्ण महानुभावहरूप्रति युवा सङ्गठनले आभार व्यक्त गरेको छ । युवा सङ्गठनले सबैको अमूल्य सहयोगको लागि कृतज्ञता समेत ज्ञापन गरेको छ । कञ्चनपुरमा युवा सङ्गठनले अन्य अतिविपन्न परिवार पहिचान गरी राहत वितरण समेत गरिरहेको बताइएको छ । सङ्गठनले सहयोगीदाताहरूबाट समेत सक्दो सहयोगको अपेक्षा गरेको छ ।

प्रकाशित मिति: बुधबार, जेठ १९, २०७८