सुदूरपश्चिम नमुना बहुउद्देश्यीय सहकारी संस्थाको पहिलो वार्षिक साधारण सभा सम्पन्न

सहकारी

गृहपृष्ठ
सहकारी
सुदूरपश्चिम नमुना बहुउद्देश्यीय सहकारी संस्थाको पहिलो वार्षिक साधारण सभा सम्पन्न

सुदूरपश्चिम नमुना बहुउद्देश्यीय सहकारी संस्थाको पहिलो वार्षिक साधारण सभा सम्पन्न

बिहीबार, भदौ ३१, २०७८NB Media Network

कञ्चनपुर । कञ्चनपुरको बेदकोट नगरपालिका वडा नम्बर ४ बैतडा स्थित सुदूरपश्चिम नमुना बहुउद्देश्यीय सहकारी संस्था लिमिटेडको प्रथम साधारण सभा सम्पन्न भएको छ । बुधबार आयोजित कार्यक्रमलाई सम्बोधन गर्दै सुदूरपश्चिम प्रदेश सरकारका भूमि व्यवस्था कृषि तथा सहकारी राज्यमन्त्री मान बहादुर सुनारले छोटो समयमा नै आफ्नो पहिचान बनाउन सकेकोमा सुदूरपश्चिम नमुना बहुउद्देश्यीय सहकारी संस्था लिमिटेडको प्रशंसा गर्नुभएको छ । उहाँले उक्त सहकारीलाई अझ सुविधा सम्पन्न र सबैको पहुँचमा पु¥याउन आफूले सक्दो सहयोग गर्ने बताउनु भयो ।

प्रथम साधारण सभामा बहुउद्देश्यीय सहकारी संस्थालाई सहयोग गर्ने व्यक्तिहरूलाई सम्मान पनि गरिएको छ । ग्रामीण भेगमा स्थानीय जनतालाई सहुलियत दरमा कर्जा दिन र पैसा जम्मा गर्न टाढा जानु पर्ने झमेलाबाट सुदूरपश्चिम नमुना बहुउद्देश्यीय सहकारी संस्था लिमिटेडले गाउँमै सुविधा दिएको सहकारी संस्थाका अध्यक्ष नरेन्द्र चन्दले बताउनु भयो । त्यसै क्रममा, राज्यमन्त्री मान बहादुर सुनार सहितको टोलीले बैतडा खोलाले बैजनाथ मन्दिर कटान गरी भत्काएको स्थानमा स्थलगत अनुगमन गरेको छ । उक्त स्थानलाई संरक्षण गर्न पहल गर्ने राज्यमन्त्री सुनारले बताउनु भयो ।

प्रकाशित मिति: बिहीबार, भदौ ३१, २०७८ ०९:०६