शुक्लाफाँटा १० का ४० परिवारको निःशुल्क स्वास्थ्य बिमा

स्थानीय सरकार

गृहपृष्ठ
स्थानीय सरकार
शुक्लाफाँटा १० का ४० परिवारको निःशुल्क स्वास्थ्य बिमा

शुक्लाफाँटा १० का ४० परिवारको निःशुल्क स्वास्थ्य बिमा

बिहीबार, फागुन १८, २०७९NB Media Network

कञ्चनपुर । कञ्चनपुरको शुक्लाफाँटा नगरपालिका वडा नम्बर १० को कार्यालयले ४० परिवारको निःशुल्क स्वास्थ्य बिमा गरेको छ । वडा कार्यालयले अतिविपन्न, गरिब, दलित तथा जनजाति परिवारका ४० परिवारको स्वास्थ्य बिमा गरेको वडा अध्यक्ष लालबहादुर ऐरले बताउनु भयो । ‘वडाभित्रका विपन्न ४० परिवारको स्वास्थ्य बिमा गरेका छौँ,’ उहाँले भन्नुभयो, ‘वडा कार्यालयबाट प्रति परिवार ३ हजार ५ सय रुपैयाँ उपलब्ध गराइने छ ।’

यसै गरी, वडा कार्यालयले एक सय परिवारलाई डोल वितरण, १२ वटा समूहलाई चारो काट्ने मसिन र २० परिवारलाई फिडर (बाख्रालाई दाना तथा घाँस खुवाउने मसिन) वितरण गरेको छ । वडाभित्र विपन्न ५ परिवारको लागि शौचालय निर्माण, सार्वजनिक ५ ठाउँमा अटोमेटिक नल्का जडान गरिने अध्यक्ष ऐरको भनाइ छ । ‘यही वर्ष ५ वटा ठाउँमा अटोमेटिक नल्का जडान गर्छौँ, ठाउँ छनौट गर्न बाँकी छ,’ उहाँले भन्नुभयो, ‘विपन्न परिवारको लागि शौचालय पनि यसै वर्ष निर्माण गरिने छ।’ वडा कार्यालयले युवायुवतीलाई ड्राइभिङ तालिम पनि दिने बताइएको छ। प्रत्येक वर्ष खेलकुद सामग्री समेत वितरण गर्दै आएको वडा कार्यालयले जनाएको छ ।

प्रकाशित मिति: बिहीबार, फागुन १८, २०७९