कञ्चनपुर, १६ पुस । महाकाली साहित्य सङ्गमको १३ औँ महाधिवेशन सम्पन्न भएको छ । भीमदत्त नगरपालिकाको सभा हलमा सङ्गमका अध्यक्ष हरिश प्रसाद जोशीको अध्यक्षता तथा भीमदत्त नगरपालिकाका नगर प्रमुख सुरेन्द्र बिष्टको प्रमुख आतिथ्यमा बिहीबार महाधिवेशन सम्पन्न भएको हो । उक्त समारोहमा पूर्व अध्यक्ष वीर बहादुर चन्द लगायतका वक्ताहरूले सम्बोधन गर्नु भएको थियो । सङ्गमको प्रगति प्रतिवेदन महासचिव भवानी चन्दले पेश गर्नु भएको थियो भने र आर्थिक प्रतिवेदन कोषाध्यक्ष लक्ष्मी प्रसाद भट्टले पेश गर्नु भएको थियो । महाधिवेशनमा नास्टका प्रमुख, आजीवन तथा साधारण सदस्यहरू एवं साहित्यकारहरूको समेत उपस्थिति रहेको बताइएको छ । सङ्गमका अध्यक्ष हरिश प्रसाद जोशीले समग्र गतिविधि प्रकाश पार्नु भएको थियो ।
पञ्चम राज भट्टको संयोजकत्वमा गठित निर्वाचन मण्डलले १४ सदस्यीय कार्यसमिति निर्विरोध चयन गरेको छ । निर्वाचन मण्डलका अनुसार सङ्गमको अध्यक्षमा हरिश प्रसाद जोशी, वरिष्ठ उपाध्यक्षमा राजेन्द्र सिंह रावल, महिला उपाध्यक्षमा सरिता पन्थी, महासचिवमा भवानी चन्द, सचिवमा उत्तम बिष्ट र वंशीधर जोशी, कोषाध्यक्षमा लक्ष्मी प्रसाद भट्ट चयन हुनु भएको छ । सदस्यहरूमा गीता आउजी, सिता पुजारा, हजारी पुजारा, अमित प्रसाद भट्ट, गौरी प्रसाद जोशी, डम्बर शर्मा बडु र अम्बा दत्त जोशी चयन हुनुभएको छ । त्यस्तै अर्जुन सिंह नेगीलाई कार्यसमिति सदस्यमा मनोनीत गरिएको छ । सङ्गमको नयाँ कार्यसमितिको पहिलो बैठक भने यही पुस १७ गते बस्ने बताइएको छ ।
