कार्तिक मसान्तभित्र कृषक समूह दर्ता गरायौँ । त्यसपछि गहुँको बिउ वितरण ग¥यौँ। हिउँदे तरकारीको बिउ वितरण गरेका थियौँ। सङ्घीय सरकार अन्तर्गत गहुँ उत्पादन प्रवर्द्धन कार्यक्रम सञ्चालन गरेका छौँ। शुक्लाफाँटाका ५ वडामा त्यो कार्यक्रम सञ्चालित छ । ५० प्रतिशत अनुदानमा च्याउको बिउ वितरण गरेका छौँ । सङ्घीय सरकारको पकेट कार्यक्रम अन्तर्गत वडा नं. ६ मा काम भइरहेको छ ।
२ महिनाभित्रै उच्च प्रविधिबाट बाह्रै महिना च्याउ उत्पादन गर्ने फर्म हुन्छ । बाली संरक्षण कार्यक्रम अन्तर्गत किसानहरूलाई निःशुल्क विषादी वितरण गरेका छौँ। अहिले पनि विषादी छ । किसानलाई आवश्यकता परेका बेला विषादी उपलब्ध गराउँदै आएका छौँ। बगर खेती गर्ने किसानहरूलाई पनि बिउ वितरण गरेका छौँ। उनीहरूलाई लौका, काँक्रा, फर्सी दिएका छौँ । हिउँदे तरकारी र प्याजको बिउ पनि वितरण गरेका छौँ। शुक्लाफाँटामा मकै उत्पादनको सम्भावना छ । विगतमा त्यसमा बजेट थिएन । यस पटक बजेट भएकोले मकैको बिउ वितरण गरिरहेका छौँ ।
धान पकेट र साना सिँचाइको कार्यक्रम छ । त्यसका लागि सूचना प्रकाशित गरिसकेका छौँ । दुई गाउँ एक प्राविधिक नीति अनुसार त्यसको सूचना गरेका छौँ । त्यसका ८३ निवेदन परेका छन्। त्यो प्रक्रिया अगाडि बढेको छ । आलु र मकै पकेट भनेर सूचना प्रकाशित गरेका थियौँ। त्यसमा दुई निवेदन मात्रै परेका थिए । अनुगमन गर्दा खासै राम्रो देखिएन । पुनः सूचना प्रकाशित गर्दा एउटा निवेदन परेको छ। त्यसको अनुगमन गर्छाैँ । अनुगमन गर्दा व्यावसायिक जस्तो लाग्यो भने उक्त समूहलाई त्यो कार्यक्रम दिन्छौँ । धानको बिउ सूचना जारी गर्छौ । त्यसपछि उत्पादन सामाग्री भनेर स्प्रे ट्याङ्की, हजारी, सिल्पिङ प्लास्टिकलगायतका सामाग्री वितरणका लागि सूचना जारी गरेर वितरण गर्छौ ।
हामीले किसानको आवश्यकतालाई आधारमा कार्यक्रम बनाउने हो । त्यही अनुसार काम हुन्छ । अनुदानलाई सदुपयोग गराउने हाम्रो उद्देश्य हो । त्यसका लागि अनुगमन गर्छौ। कृषि प्रोफाइल बनाउने हाम्रो लक्ष्य छ । जिपिएसबाटै कृषिको सम्भावना हेर्न सकिने गरी काम गर्ने योजना छ । प्रत्येक वडाको कृषि प्रोफाइल बनाउँछौँ । माटोको अवस्था के छ भनेर त्यसबाट जानकारी हुन्छ । त्यही अनुसार कार्यक्रम गर्न सहज हुन्छ । प्रत्येक वडामा माटो शिविर चलाउँछौँ । किसानले लिएको नमुनाबाट माटो परीक्षण गर्ने योजना छ ।
(कञ्चनपुरको शुक्लाफाँटा नगरपालिकाका कृषि विकास शाखा प्रमुख करनसिंह बुढाऐरसँग गरिएको कुराकानीमा आधारित)
