जलवायु परिवर्तन सम्बन्धी प्रशिक्षण

पर्यावरण

गृहपृष्ठ
पर्यावरण
जलवायु परिवर्तन सम्बन्धी प्रशिक्षण

जलवायु परिवर्तन सम्बन्धी प्रशिक्षण

सोमबार, फागुन १, २०७९NB Media Network

हरिश्चन्द्र बाग, कञ्चनपुर, ०१ फागुन । जलवायु परिवर्तन सम्बन्धी सुदूरपश्चिम प्रदेश स्तरीय प्रशिक्षण कार्यक्रम गरिएको छ । ब्रिटिस काउन्सिलको आर्थिक सहयोग, विकासका लागि युवाको स्थानीय संयोजनमा नेपाल युवा संस्था सञ्जाल (आयोन) ले आवासीय व्यवस्थापन सहित धनगढीमा प्रदेश स्तरीय प्रशिक्षण कार्यक्रम गरेको कार्यक्रम संयोजक शैलेश्वरी सिंहले जानकारी दिनुभएको छ । जलवायु परिवर्तन, त्यसबाट परिरहेको असर र न्यूनीकरणका सवालमा ६ दिनसम्म सहभागीहरूलाई प्रशिक्षण दिइएको नेपाल युवा संस्था सञ्जाल (आयोन) का सुदूरपश्चिम फोकल पर्सन तपराज जोशीले बताउनु भयो । माघ २५ गतेदेखि फागुन ०१ गतेसम्म सञ्चालित प्रशिक्षण कार्यक्रममा प्रदेशभरबाट २५ जनाको सहभागिता रहेको थियो । सहभागीहरूलाई प्रशिक्षकद्वय आयुश श्रेष्ठ र श्रेया केशीले प्रशिक्षण दिनुभएको हो । प्रशिक्षणपछि सहभागीहरूलाई चार समूहमा आबद्ध गरी आआफ्नो क्षेत्रमा जलवायु परिवर्तनका असर न्यूनीकरणका लागि कार्य गर्ने जिम्मेवारी समेत दिइने बताइएको छ । सहभागीहरूले जलवायु परिवर्तनका असर न्यूनीकरणका लागि आआफ्नो क्षेत्रबाट अभियान सञ्चालन गर्ने प्रतिबद्धता जनाउनु भएको छ । सोमबार बिहान आयोनका लेखा अधिकृत शालिग्राम तिमिल्सिनाले सहभागीहरूलाई आर्थिक व्यवस्थापन सम्बन्धी प्रशिक्षण दिएसँगै सहभागीहरूलाई यातायात खर्च प्रदान गरी प्रशिक्षण कार्यक्रम समापन गरिएको छ ।

प्रकाशित मिति: सोमबार, फागुन १, २०७९