लागु औषध (खैरो हेरोइन) सहित दुई जना पक्राउ

खास खबर

गृहपृष्ठ
खास खबर
लागु औषध (खैरो हेरोइन) सहित दुई जना पक्राउ

लागु औषध (खैरो हेरोइन) सहित दुई जना पक्राउ

शनिबार, पुस १६, २०७९NB Media Network

हरिश्चन्द्र बाग, कञ्चनपुर, १६ पुस । कञ्चनपुरबाट लागु औषध (खैरो हेरोइन) सहित दुई जना पक्राउ परेका छन् । आरआइटी समूह सुदूरपश्चिम प्रदेश कार्यालय, लागु औषध नियन्त्रण ब्युरो शाखा कार्यालय महेन्द्रनगर र इलाका प्रहरी कार्यालय झलारीबाट खटिएको संयुक्त प्रहरी टोलीले दुई जनालाई पक्राउ गरेको हो । कञ्चनपुरको लालझाडी गाउँपालिका वडा नम्बर ५ जाई स्थित पैदल हिँड्दै गरेका कञ्चनपुरकै कृष्णपुर नगरपालिका वडा नम्बर २ बस्ने २४ वर्षीय मनोज भनिने सूर्य नाथको साथबाट १.०२ ग्राम लागु औषध (खैरो हेरोइन) बरामद गरिएको र सोही टोलीले कञ्चनपुरकै शुक्लाफाँटा नगरपालिका वडा नम्बर १ खल्ला स्थित पैदल हिँड्दै गरेका शुक्लाफाँटा नगरपालिका वडा नम्बर ६ बस्ने २५ वर्षीय सुरज रानाको साथबाट २.७७ ग्राम लागु औषध (खैरो हेरोइन) बरामद गरिएको हो । दुवै जनालाई नियन्त्रणमा लिई कानुन बमोजिम थप अनुसन्धान भई रहेको जिल्ला प्रहरी कार्यालय कञ्चनपुरका प्रहरी प्रवक्ता एवं प्रहरी नायव उपरीक्षक चक्र बहादुर शाहले जानकारी दिनुभएको छ ।

प्रकाशित मिति: शनिबार, पुस १६, २०७९