बाजुरा, १० माघ । सुदूरपश्चिमको बाजुरा केन्द्रबिन्दु भएर भूकम्पको धक्का महसुस गरिएको छ । राष्ट्रिय भूकम्प मापन केन्द्रका अनुसार मङ्गलवार दिउँसो २ बजेर ४३ मिनेट जाँदा भूकम्पको धक्का महसुस गरिएको हो । भूकम्प मापन केन्द्रका अनुसार ५.९ म्याग्निच्यूडको भूकम्प गएको हो । उक्त भूकम्पको धक्का सुदूरपश्चिम र कर्णाली प्रदेशका प्रायः सबै जिल्लाहरूमा महसुस गरिएको छ । बाजुरा सदरमुकाम चैनपुरमा रहेको कृषि ज्ञान केन्द्रको भवन (हाल सशस्त्र प्रहरीले प्रयोग गर्दै आएको भवन) भूकम्पले भत्काएको र केही अन्य भौतिक संरचनामा समेत क्षति पुगेको बताइएको छ । क्षतिको थप विवरण भने आउन बाँकी रहेको जिल्ला प्रहरी कार्यालय बझाङले जनाएको छ । 
