नेपाल राना थारु समाज कञ्चनपुरद्वारा जनप्रतिनिधिलाई सम्मान तथा बधाई ज्ञापन

संस्कृति

गृहपृष्ठ
संस्कृति
नेपाल राना थारु समाज कञ्चनपुरद्वारा जनप्रतिनिधिलाई सम्मान तथा बधाई ज्ञापन

नेपाल राना थारु समाज कञ्चनपुरद्वारा जनप्रतिनिधिलाई सम्मान तथा बधाई ज्ञापन

शनिबार, जेठ २१, २०७९NB Media Network

कञ्चनपुर । नेपाल राना थारु समाज कञ्चनपुरले जिल्लाको नौ वटै स्थानीय तहमा निर्वाचित जनप्रतिनिधिलाई शनिबार एक कार्यक्रमको आयोजना गरी सम्मान तथा बधाई ज्ञापन गरेको छ । समाजले जिल्लाको दक्षिणी क्षेत्र बेलौरी नगरपालिका ५ मा रहेको श्री कालेश्वर महादेव मन्दिरको सभा हलमा उक्त कार्यक्रमको आयोजना गरेको थियो । संस्कृति बचामए, कुरीति हटामए निर्झल समाज बनामए, राना थारु जातिके राज्यमे आरक्षणको व्यवस्था करामए मूल नारा सहित आयोजना गरिएको उक्त कार्यक्रममा नवनिर्वाचित जनप्रतिनिधिहरूलाई सम्मान पत्र सहित खादा ओढाई सम्मान तथा बधाई ज्ञापन गरिएको थियो ।

यस्तै सो अवसरमा भर्रा भल्मन्सा प्रथम सम्मेलनको समेत आयोजना गरिएको थियो । कार्यक्रममा बोल्ने वक्ताहरूले राना थारु समाजले गरेको सम्मान प्रति आभार प्रकट गर्दै कञ्चनपुरमा छरिएर बसोबास गर्ने राना थारु समुदायको धर्म संस्कृति, भाषा, भेषभुषा संरक्षण गर्ने विषयमा आफूहरूले विशेष पहल गर्ने बताएका छन् । नेपाल राना थारु समाज कञ्चनपुरका अध्यक्ष प्रेमवती रानाको सभापतित्वमा भएको कार्यक्रममा राना थारु समाजका केन्द्रीय अध्यक्ष कृपाराम राना प्रमुख अतिथि रहनु भएको थियो । समाजका जिल्ला कार्य समिति सदस्य मनोहर रानाले स्वागत गरेको कार्यक्रमको सञ्चालन सचिव सतेन्द्र रानाले गर्नुभएको थियो ।

प्रकाशित मिति: शनिबार, जेठ २१, २०७९