विकास सिंह महता, कैलाली । सुदूरपश्चिम प्रदेशको धनगढीमा यौनिक तथा लैङ्गिक अल्पसङ्ख्यक समुदायहरू माथि हुने भेदभाव सम्बन्धी निर्मित चलचित्र "निलो फुल" प्रदर्शन गरिएको छ । धनगढीमा अवस्थित एसटिएस सिनेमा हलमा यौनिक तथा लैङ्गिक अल्पसङ्ख्यक समुदायहरू माथि हुने भेदभाव सम्बन्धी चलचित्र "निलो फुल" प्रदर्शन गरिएको हो ।
भुईँमा समेत बसेर चलचित्र हेरेका दर्शकहरूले चलचित्र हेर्दा धेरै कुरा आफूहरूलाई नयाँ समेत लागेको बताएका छन् । समाजमा सकारात्मक सोच निर्माणका लागि पनि ठुलो योगदान रहने प्रतिक्रिया उनीहरूको छ । फिल्मले समाजमा रहेका यौनिक तथा लैङ्गिक अल्पसङ्ख्यक समुदायमा समलिङ्गी विवाहले भोग्नुपरेका समस्यालाई चित्रण गरेको छ । नेपालका चार वटा जिल्लामा समेत प्रदर्शन गरिसकिएको छ। सामुदायिक सङ्घसंस्था, विश्वविद्यालय, सरकारी निकायले समलिङ्गी विवाह माथि हुने नकारात्मक सोचलाई हटाउनको लागि यो चलचित्रलाई नि:शुल्क उपलब्ध समेत गराइने बताइएको छ।
