आदिवासी जनजाति महासङ्घ बेलौरी नगर परिषद्को चौथो नगर अधिवेशन : चौधरीको अध्यक्षतामा नयाँ समिति

जनजीवन

गृहपृष्ठ
जनजीवन
आदिवासी जनजाति महासङ्घ बेलौरी नगर परिषद्को चौथो नगर अधिवेशन : चौधरीको अध्यक्षतामा नयाँ समिति

आदिवासी जनजाति महासङ्घ बेलौरी नगर परिषद्को चौथो नगर अधिवेशन : चौधरीको अध्यक्षतामा नयाँ समिति

सोमबार, जेठ १, २०८०NB Media Network

हरिश्चन्द्र बाग, कञ्चनपुर, ०१ जेठ । आदिवासी जनजाति महासङ्घ बेलौरी नगर परिषद्को चौथो नगर अधिवेशनबाट कृष्ण चौधरीको अध्यक्षतामा नयाँ समिति चयन गरिएको छ । कञ्चनपुरको बेलौरी नगरपालिका वडा नम्बर ४ मा रहेको थारु छात्रावासमा आइतबार आयोजित आदिवासी जनजाति महासङ्घ बेलौरी नगर परिषद्को चौथो नगर अधिवेशनबाट चौधरीको अध्यक्षतामा सर्वसम्मत नयाँ कार्यसमिति चयन गरिएको बताइएको छ ।

वरिष्ठ उपाध्यक्षमा दुर्गा श्रेष्ठ, महिला उपाध्यक्षमा लक्ष्मी चौधरी, उपाध्यक्ष शोभा गुरुङ, मुख्य सचिवमा शुक्रराज राना, सचिवमा विनीता मगर र कोषाध्यक्ष रोशन थापा मगर चयन हुनु भएको छ । त्यस्तै, सदस्यमा विमला राना, अर्जुन श्रेष्ठ र अमर बहादुर राई चयन हुनु भएको हो । नयाँ कार्यसमिति चयन हुनु पूर्व आदिवासी जनजाति महासङ्घ बेलौरी नगर परिषद्का तत्कालीन अध्यक्ष झक बहादुर शिरीष मगरको सभाध्यक्षमा सञ्चालित कार्यक्रममा प्रमुख अतिथि बेलौरी नगरपालिकाका नगर प्रमुख पोतिलाल चौधरी लगायतका अतिथिहरूले सम्बोधन गर्नुभएको बताइएको छ ।

प्रकाशित मिति: सोमबार, जेठ १, २०८०