नविल बैङ्कको चान्देव शाखाद्वारा अनाथ बालबालिकाहरूलाई न्यानो कपडा वितरण

अर्थ - वाणिज्य

गृहपृष्ठ
अर्थ - वाणिज्य
नविल बैङ्कको चान्देव शाखाद्वारा अनाथ बालबालिकाहरूलाई न्यानो कपडा वितरण

नविल बैङ्कको चान्देव शाखाद्वारा अनाथ बालबालिकाहरूलाई न्यानो कपडा वितरण

बिहीबार, माघ ५, २०७९NB Media Network

हरिश्चन्द्र बाग, कञ्चनपुर, ०५ माघ । कञ्चनपुरको लालझाडी स्थित चान्देवमा रहेको नविल बैङ्कले संस्थागत सामाजिक उत्तरदायित्व कार्यक्रम अन्तर्गत अनाथ बालबालिकाहरूलाई न्यानो कपडा वितरण गरेको छ । बिहीबार आयोजित एक कार्यक्रमका बिच लालझाडी गाउँपालिकाका अध्यक्ष निर्मल राना लगायत जनप्रतिनिधि सहित सरोकारवालाहरूको उपस्थितिमा अनाथ बालबालिकाहरूलाई न्यानो कपडा वितरण गरिएको बैङ्कका शाखा प्रबन्धक टेकराज जोशीले जानकारी दिनुभयो । देशका अन्य शाखाहरूले समेत सामाजिक उत्तरदायित्व निर्वाह गरिरहेको स्मरण गराउँदै उहाँले आगामी दिनहरूमा पनि यस किसिमका कार्यक्रम गर्ने प्रतिबद्धता जनाउनु भएको छ ।

आफ्नो नाफाको केही अंश समाजका लागि योगदान गर्नुपर्छ भन्ने अवधारणाले संस्थागत सामाजिक उत्तरदायित्वलाई जनाउँछ । सर्वसाधारणबाट निक्षेप सङ्कलन तथा सो निक्षेपलाई कर्जाको रूपमा प्रवाह गर्न इजाजत पाएका बैङ्क तथा वित्तीय संस्थासमेत समाजप्रति उत्तरदायी हुनुपर्दछ भन्ने अवधारणाका साथ नेपाल राष्ट्र बैङ्कले यससम्बन्धी नीतिगत व्यवस्था गरेको छ । जसअनुसार बैङ्कहरूले आफ्नो नाफाको निश्चित प्रतिशत रकम समाजका लागि खर्च गर्नुपर्ने हुन्छ । बैङ्क तथा वित्तीय संस्थाहरूका लागि जारी गरिएको एकीकृत निर्देशनको निर्देशन नं. ६ मा संस्थागत सामाजिक उत्तरदायित्व सम्बन्धी व्यवस्था छ ।