पूर्णिमा आधारभूत विद्यालय बल्मीमा गणित पार्क

शिक्षा

गृहपृष्ठ
शिक्षा
पूर्णिमा आधारभूत विद्यालय बल्मीमा गणित पार्क

पूर्णिमा आधारभूत विद्यालय बल्मीमा गणित पार्क

बिहीबार, चैत २, २०७९NB Media Network

हरिश्चन्द्र बाग, कञ्चनपुर, ०२ चैत । कञ्चनपुरको लालझाडी गाउँपालिका वडा नम्बर ३ बल्मी स्थित पूर्णिमा आधारभूत विद्यालयमा गणित पार्क निर्माण गरिएको छ । लालझाडी गाउँपालिकाबाट प्राप्त अनुदान रकम रु. १ लाख १५ हजारमा विद्यालयले समेत केही रकम थप गरी गत वर्ष उक्त गणित पार्क निर्माण गरिएको हो । अधिकांश विद्यार्थीहरूले गणित विषयलाई अप्ठ्यारो विषयका रूपमा बुझ्ने गरेकाले सानै कक्षादेखि विद्यार्थीहरूलाई गणित विषयमा प्रयोगात्मक र जीवनोपयोगी बनाई अभ्यस्त गराउने उद्देश्यले पार्क निर्माण गरिएको पूर्णिमा आधारभूत विद्यालयका प्रधानाध्यापक निर कुमार चौधरीले जानकारी दिनुभयो ।

भित्तामा गणितका विभिन्न सूत्र उल्लेख गरिएको र भुईँमा विभिन्न आकृतिले सजिएको गणित पार्कमा विद्यार्थीहरूले गणित प्रयोग गरी रमाउँदै सिक्ने अवसर प्राप्त गर्ने गरेकोले यसले कक्षा कोठाको सिकाइमा समेत सहयोग पुग्ने विश्वास गरिएको छ । लालझाडी गाउँपालिकाले दश वर्षे रणनीति बनाई शैक्षिक गुणस्तर सुधारका कार्य गरिरहेको लालझाडी गाउँपालिकाका प्रमुख प्रशासकीय अधिकृत सिद्धराज भट्टले बताउनु भयो । यस किसिमका सृजनात्मक कार्यले शैक्षिक वातावरण तयार गर्ने अपेक्षा गरिएको छ ।

प्रकाशित मिति: बिहीबार, चैत २, २०७९