नझुक्किनुस् ! यो कृत्रिम घटना नमुना अभ्यास मात्रै हो ।

खास खबर

गृहपृष्ठ
खास खबर
नझुक्किनुस् ! यो कृत्रिम घटना नमुना अभ्यास मात्रै हो ।

नझुक्किनुस् ! यो कृत्रिम घटना नमुना अभ्यास मात्रै हो ।

महाकाली नदी : बाढीमा आधारित समुदाय स्तरीय कृत्रिम घटना नमुना अभ्यास ।।

बिहीबार, जेठ १०, २०८१NB Media Network

धर्मराज कठायत, कञ्चनपुर, १० जेठ । कञ्चनपुरको भीमदत्त नगरपालिका वडा नं. १२ को विष्णु टोल सामुदायिक विपद् व्यवस्थापन समितिले महाकाली नदीको तटीय क्षेत्रको बाढीमा आधारित समुदाय स्तरीय कृत्रिम घटना नमुना अभ्यास गरिएको छ । वर्षातमा बाढीबाट कसरी धनजनको सुरक्षा गर्ने भन्ने उद्देश्यले सरोकारवाला संघसंस्थाको समन्वय र सहयोगमा कृत्रिम नमुना अभ्यास गरिएको हो । वर्षेनी महाकाली नदीमा आएको बाढीले तटीय क्षेत्रमा बसोबास गर्ने स्थानीयहरू डुबान र कटानका कारण क्षति खेप्दै आएका छन् । उक्त क्षेत्रलाई लक्षित गर्दै बाढी आएको समयमा कसरी धनजनको सुरक्षा गर्ने भन्ने उद्देश्यले विष्णु टोल सामुदायिक विपद् व्यवस्थापन समिति सँगै सरोकारवाला संघसंस्थाको समन्वय र सहयोगमा कृत्रिम नमुना अभ्यास गरिएको हो ।

बाढी आउन पूर्व कृत्रिम नमुना अभ्यासमा सरोकारवालाका कारण समुदायमा बाढी आएको समयमा कसरी धनजनको सुरक्षा गर्ने विषयमा सिकाउनले समुदायमा केही गर्न सकिने विष्णु टोल सामुदायिक विपद् व्यवस्थापन समितिका अध्यक्ष हरिकला भट्टको भनाई रहेको छ । वर्षाको बेला बाढीबाट धनजनको सुरक्षा र विपद् न्यूनीकरण तथा समुदायसँग भएको क्षमतालाई प्रयोग गरी कृत्रिम नमुना अभ्यास गरिएको कृत्रिम नमुना अभ्यासमा परियोजनाका सहजकर्ता जनक लेखकले बताउनु भयो । साथै आगामी दिनहरूमा साँच्चिकै बाढी आउँदा कसरी प्रतिकार्य गर्ने सूचना कताबाट लिने र समुदायमा सूचना कसरी सम्प्रेषण गर्ने अनि त्यस सूचनालाई स्थानीय सरकारवालासँग कसरी पुर्‍याउने भन्ने बारे नमुना अभ्यास गरिएको उहाँले बताउनु भयो ।

यस वर्ष अधिक गर्मी र अधिक वर्षा हुने जल तथा मौसम पूर्वानुमान महाशाखाको पूर्वानुमान रहेको छ । यस कारण महाकाली तटीय क्षेत्रका समुदायमा उच्च जोखिम रहेकाले समुदायले कसरी जनधनको सुरक्षा गर्ने भन्ने विषयलाई लिएर कृत्रिम नमुना अभ्यास गरिएको एनएनएसडब्लुएका विपद् जोखिम न्यूनीकरण अधिकृत प्रभुनिधि पन्तले बताउनु भयो । यस नमुना अभ्यासले समुदायमा पूर्व कार्य र पूर्व तयारी हुने भएकोले समुदाय सुरक्षित हुने समेत उहाँको विश्वास रहेको छ । विपद् आउँदा पहिलो दायित्व समुदायको भएकाले विपद्लाई सामना गर्न गरिएको यो नमुना अभ्यास हो ।

बाढीको समयमा पूर्व सूचना प्रणाली, खोज तथा उद्धार र प्राथमिक उपचार कसरी प्रयोग गर्ने भन्ने विषय बारे कृत्रिम नमुना अभ्यास गरिएको निड्स नेपाल र अक्सफामको साझेदारीमा सञ्चालित स्कोप आर थ्री परियोजनाका जीविकोपार्जन र लघु उद्यम अधिकृत दिव्य देव पण्डितको भनाइ रहेको छ । साथै यस अभ्यासले समुदायलाई परिपक्व र क्षमतावान् बनाउन मद्दत पुग्ने विश्वास रहेको छ । भीमदत्त नगरपालिका वडा नम्बर १२ का वडा अध्यक्ष भूपेन्द्र सिंह रावलले यस विषयलाई लिएर वडा कार्यालय लगायत आफू गम्भीर रहेको भन्दै सरोकारवालाहरूसँग गृहकार्य भइरहेको बताउनु भयो । साथै विपद् आउनु पूर्व यस कार्यमा हातेमालो गरी नमुना अभ्यास गरेकोले साझेदारी सङ्घसंस्थाहरू धन्यवादको पात्र रहेको उहाँको भनाइ रहेको छ ।

यस वर्षको वर्षात अगावै गरिएको उक्त बाढीमा आधारित कृत्रिम नमुना अभ्यास विष्णु टोल सामुदायिक विपद् व्यवस्थापन समितिको आयोजना र भीमदत्त नगरपालिका वडा नं. १२ को समन्वयकारी भूमिकामा सञ्चालन गरिएको हो । निड्स नेपाल र अक्सफामको साझेदारीमा सञ्चालित स्कोप आर थ्री परियोजना र डिसिएको आर्थिक सहयोगमा एनएनएसडब्लुएद्वारा सञ्चालित सुदृढ परियोजनाको आर्थिक तथा प्राविधिक सहयोग रहेको उक्त नमुना अभ्यासमा स्थानीय जनप्रतिनिधि, सुरक्षाकर्मी, सञ्चारकर्मी, सामुदायिक विपद् व्यवस्थापन समितिका पदाधिकारी र सदस्य तथा समुदायका नागरिकको सहभागिता रहेको थियो ।