समृद्ध विकास, सुशासन र समानतामा जवाफदेहिता विषयक कार्यशाला गोष्ठी बेलौरीमा सम्पन्न

स्थानीय सरकार

गृहपृष्ठ
स्थानीय सरकार
समृद्ध विकास, सुशासन र समानतामा जवाफदेहिता विषयक कार्यशाला गोष्ठी बेलौरीमा सम्पन्न

समृद्ध विकास, सुशासन र समानतामा जवाफदेहिता विषयक कार्यशाला गोष्ठी बेलौरीमा सम्पन्न

मंगलबार, चैत १२, २०७५NB Media Network

NULL

धन बहादुर विक, कञ्चनपुर ।
नगरपालिका तथा गाउँपालिका स्तरीय समृद्ध विकास, सुशासन र समानतामा जवाफदेहिता विषयक एक दिवसीय कार्यशाला गोष्ठी सोमबार कञ्चनपुरको बेलौरीमा सम्पन्न भएको छ । “सबै प्रकारका जातीय छुवाछूत तथा भेदभाव विरूद्ध प्रतिरोध गरौँ, सामाजिक न्याय सहितको समृद्ध र समावेशी नेपाल निर्माण गरौँ” भन्ने मुल नारा सहित सञ्चालन गरिएको उक्त कार्यशाला गोष्ठीको सुदूरपश्चिम प्रदेश सभा सदस्य तथा नेकपाका प्रमुख सचेतक तारा लामा तामाङले उद्घाटन गर्नुभएको थियोे । कार्यक्रमका प्रमुख अतिथि समेत रहनुभएका प्रदेश सभा सांसद तामाङले बीस वर्ष पछिको स्थानीय निर्वाचनमा दलित प्रतिनिधि उल्लेख्य सहभागिता रहेपनि स्थानीय सरकारमा उल्लेखनीय कार्यमा भुमिका नरहेको बताउनुभयो ।

बेलौरी र पुनर्वास नगरपालिका तथा बेलडाँडी र लालझाडी गाउँपालिका गरी क्षेत्र नं. १ का करिब चालिस जना दलित जनप्रतिनिधिको सहभागिता रहेको गोष्ठीमा नेपाल उत्पिडित जातीय मुक्ति समाजका केन्द्रीय महासचिव गणेश विश्वकर्मा र गैरसरकारी संस्था महासंघका सचिव अमिर तिरूवाले सहजीकरण गर्नुभएको थियोे । गोष्ठीमा जनताको अमुल्य मत प्राप्त गरी स्थानीय सरकारमा पुगेका जनप्रतिनिधिले निर्वाचित भएको १८ महिनामा आआफ्नो नगर तथा गाउँपालिकाको विकास र समृद्धिका लागि के कस्ता भुमिका निर्वाह गरियो भन्ने विषयमा समीक्षा एवं आगामी जिम्मेवारी केके हुने भन्ने बारेमा छलफल गरिएको थियोे ।

दलित गैरसरकारी महासंघका केन्द्रीय सचिव नर बहादुर विश्वकर्माको अध्यक्षतामा भएको कार्यक्रममा प्रदेश सभा सदस्य कुलविर चौधरी, बेलौरी नगरपालिकाकी उपप्रमुख चित्र कुमारी चौधरी, पुनर्वास नगरपालिकाका प्रमुख जिवनराज थापा, उपप्रमुख शारदा बिष्ट शर्मा बिशिस्ट अतिथि रहनुभएको थियोे भने अतिथिहरूमा बेलौरी नगरपालिकाका केही वडाध्यक्ष लगायत सदस्यहरु, अन्य नगर तथा गाउँपालिकाका कार्यपालिका सदस्य लगायत दलित जनप्रतिनिधि र सरोकारवालाहरुको सहभागिता रहेको थियोे ।

प्रकाशित मिति: मंगलबार, चैत १२, २०७५