भारतीय व्यापारीका तरकारी पसल निर्वाध सञ्चालनमा

फोटो फिचर

गृहपृष्ठ
फोटो फिचर
भारतीय व्यापारीका तरकारी पसल निर्वाध सञ्चालनमा

भारतीय व्यापारीका तरकारी पसल निर्वाध सञ्चालनमा

अटेरी गरे कानुनी कारबाही गरिने : वडाध्यक्ष ढकाल

आइतबार, वैशाख ७, २०७७NB Media Network

NULL

हरिश चन्द्र बाग, कञ्चनपुर, ०७ बैशाख । विश्वव्यापी महामारीका रुपमा फैलिएको कोरोना भाइरसको संक्रमण थप बढ्न नदिन नेपाल सरकारले देशभर नै बन्दाबन्दी (लक डाउन) जारी गरेको छ । यो अवधिमा कञ्चनपुरको बेलौरी नगरपालिकाले पनि सरकारको निर्णयलाई कडाइका साथ पालना गर्ने जनाएको छ । यद्यपी कहिलेकाँही नगरपालिकाको संयोजनमा बस्ने सर्वपक्षीय बैठकले नागरिकको सुविधाका लागि भन्दै खाद्यान्न पसलका साथै हार्डवेयर जस्ता विभिन्न पसल खोल्ने निर्णय गरेर विवादमा समेत आउने गरेको छ । हार्डवेयर पसलको सम्बन्धमा भने पानी धाराका टुटी, हेण्डपम्प जस्ता सामग्रीका लागि मात्रै निर्णय गरेको भनी नगरपालिकाले प्रष्ट पारिसकेको छ । त्यसपछि यही बैशाख ३ गते बसेको सर्वपक्षीय बैठकले लक डाउन अवधिमा औषधी पसल बाहेक अन्य कुनै पनि किसिमका पसलहरु खोल्न नपाइने सूचना जारी गरेको छ । उक्त निर्णयको प्रायः सबैले स्वागत समेत गरेका छन् ।

तर कञ्चनपुरको बेलौरी बजार क्षेत्रमै केही भारतीय नागरिकहरुले सञ्चालन गर्दै आएका तरकारी पसलहरु भने निर्वाध रुपमा सञ्चालनमा छन् । ती तरकारी पसलहरुले न त कुनै किसिमको कर तिर्ने गर्छन्, न कुनै आपतविपद्को समयमा सहयोग नै । उनीहरुले अहिले पनि सरकारले जारी गरेको बन्दाबन्दी (लक डाउन) को अवज्ञा गरिरहेका छन् भने स्थानीय सरकार र सम्बन्धित निकायले उनीहरुलाई नियमको पालना समेत गराउन सकेका छैनन् । बेलौरीका युवाहरु मध्ये राम सिंह बुडाल र मिन कुँवर लगायतका थुप्रै व्यक्तिहरुले सामाजिक सञ्जालमा प्रश्न गर्दै भनेका छन्, के लकडाउन नेपाली व्यापारीका लागि मात्रै लागु गरिएको हो र ? भन्दै स्थानीय युवाहरु आक्रोशित छन् । समयमै सम्बन्धित निकायले पहल कदमी नचाले अपृय घटना समेत घट्न सक्ने देखिन्छ ।

बेलौरी बजार निवासी लक्ष्मण जोशीका अनुसार, बेलौरी बजारमा बिगत लामो समय देखि पसल सञ्चालन गरिरहेका भारतीय नागरिकहरु कैलाश गुप्ता (कल्मौडे), जय प्रकाश गुप्ता (चस्मिल्ला), शिव कुमार (शिबु) र दुई जना साडु भनि चिनिने (एक जना बेलौरी बजारको दक्षिण तिर धनगढी रोडमा र अर्का एक जना पिपल चौतारा निर) यी सबै कालो बजारी गर्ने व्यक्तिहरु पनि हुन् । बेलौरी नगरपालिकाले प्रत्येक वडामा वडाध्यक्षको संयोजकत्वमा अनुगमन समिति समेत बनाएको छ । यस सन्दर्भमा बेलौरी नगरपालिकाले जारी गरेको निर्णय तथा सूचना सबैका लागि बराबर भएपनि केही भारतीय व्यापारीले बेलौरी बजारमा पसल खोल्ने गरेको थाहा पाएपछि उनीहरुलाई तत्काल बन्द गर्न लगाएको र अझैपनि अटेरी गरे कानुनी कारबाही गरिने बेलौरी नगरपालिका वडा नम्बर ४ का वडाध्यक्ष अर्जुन ढकालको भनाइ छ ।