बैङ्क तथा वित्तीय संस्थाहरूको चर्को व्याजका विरुद्ध कञ्चनपुरका व्यवसायीहरू समेत आन्दोलित

अर्थ - वाणिज्य

गृहपृष्ठ
अर्थ - वाणिज्य
बैङ्क तथा वित्तीय संस्थाहरूको चर्को व्याजका विरुद्ध कञ्चनपुरका व्यवसायीहरू समेत आन्दोलित

बैङ्क तथा वित्तीय संस्थाहरूको चर्को व्याजका विरुद्ध कञ्चनपुरका व्यवसायीहरू समेत आन्दोलित

बिहीबार, फागुन १८, २०७९NB Media Network

हरिश्चन्द्र बाग, कञ्चनपुर, १८ फागुन । बैङ्क तथा वित्तीय संस्थाहरूको चर्को व्याजका विरुद्ध कञ्चनपुरका व्यवसायीहरू समेत आन्दोलित भएका छन् । बैङ्क ऋणको चर्को व्याज तथा अव्यवहारिक नीति नियमका विरुद्ध कञ्चनपुर उद्योग वाणिज्य संघको नेतृत्वमा शान्तिपूर्ण विरोध ¥याली, कोण सभा लगायतका पूर्वघोषित विरोध कार्यक्रम जारी छन् ।

हाल बैङ्क तथा वित्तीय संस्थाहरूले सम्झौता विपरीत चर्को रूपमा बढाएको ऋणको व्याज दर तथा अन्य अव्यवहारिक नीतिका विरुद्ध फागुन १५ देखि २० गतेसम्म प्रत्येक दिन बिहान ११ बजेसम्म आ–आफ्नो उद्योग तथा व्यावसायिक प्रतिष्ठानहरू बन्द गर्न कञ्चनपुर उद्योग वाणिज्य संघले गरेको आह्वानलाई सबैजसो व्यवसायीहरूले समर्थन गरेका छन् । शान्तिपूर्ण विरोध कार्यक्रम अन्तर्गत आज एक दिनका लागि बैङ्कमा कुनै पनि रकम जम्मा नगर्न व्यवसायीहरूलाई आह्वान गरेको कञ्चनपुर उद्योग वाणिज्य संघका अध्यक्ष पीताम्बर जोशीले बताउनु भयो ।

त्यस्तै यही फागुन २० गतेसम्म बिहान ठिक १० बजेदेखि कञ्चनपुर उद्योग वाणिज्य संघको कार्यालयबाट हुने शान्तिपूर्ण विरोध गर्ने कार्यक्रम रहेको बताइएको छ । व्यवसायीहरू आन्दोलित भएपछि केही दिन यता बिहानको समयमा महेन्द्रनगर बजार क्षेत्र प्रायः सुनसान देखिन्छ । कञ्चनपुरकै पुनर्वास उद्योग वाणिज्य संघको आह्वानमा पुनर्वासका व्यवसायीहरूले समेत विरोध प्रदर्शन गरेका छन् ।

प्रकाशित मिति: बिहीबार, फागुन १८, २०७९