सुदूरपश्चिममा कुल बजेटको ६६ प्रतिशत मात्र खर्च

प्रदेश सरकार

गृहपृष्ठ
प्रदेश सरकार
सुदूरपश्चिममा कुल बजेटको ६६ प्रतिशत मात्र खर्च

सुदूरपश्चिममा कुल बजेटको ६६ प्रतिशत मात्र खर्च

बिहीबार, साउन ५, २०७९NB Media Network

हरिश्चन्द्र बाग, कञ्चनपुर, ०५ साउन । सुदूरपश्चिम प्रदेश सरकारले गत आर्थिक वर्ष २०७८।०७९ मा कुल बजेटको ६६ प्रतिशत मात्र बजेट खर्च गरेको छ । प्रदेश सरकारले ३० अर्ब ३३ करोड ९४ लाख ५५ हजार रुपैयाँको बजेटमध्ये २० अर्ब ९६ करोड ६१ लाख ९२ हजार रुपैयाँ मात्र खर्च गरेको हो । अघिल्लो आर्थिक वर्षको बजेटमध्ये १० अर्ब ५० करोड ९४ लाख ९८ हजार रुपैयाँ खर्च गर्न नसकिएको सुदूरपश्चिम प्रदेशका आर्थिक मामिला मन्त्री प्रकाश रावलले जानकारी दिनुभयो ।

उहाँका अनुसार, चालुतर्फ १२ अर्ब ३८ करोड ५४ लाख बजेट रहेकोमा ९ अर्ब १ करोड ६४ लाख मात्रै खर्च गर्दै ७१.७१ प्रतिशत खर्च गरेको छ । प्रदेश पुँजीगततर्फ विनियोजन गरेको कुल १७ अर्ब ६५ करोड ४० लाख रुपैयाँमध्ये ११ अर्ब ९४ करोड ९७ लाख रुपैयाँ खर्च भएको छ । प्रदेशमा अझै दरबन्दी अनुसारको जनशक्ति नहुनु, कोरोना महामारी लगायतका कारण बजेट खर्च नभएको प्रदेश सरकारले दाबी गरेको छ ।

प्रकाशित मिति: बिहीबार, साउन ५, २०७९