आन्तरिक मामिला तथा कानुन मन्त्री सिंहद्वारा इलाका प्रहरी कार्यालय बेलडाँडीको अनुगमन

प्रदेश सरकार

गृहपृष्ठ
प्रदेश सरकार
आन्तरिक मामिला तथा कानुन मन्त्री सिंहद्वारा इलाका प्रहरी कार्यालय बेलडाँडीको अनुगमन

आन्तरिक मामिला तथा कानुन मन्त्री सिंहद्वारा इलाका प्रहरी कार्यालय बेलडाँडीको अनुगमन

सोमबार, जेठ ८, २०८०NB Media Network

हरिश्चन्द्र बाग, कञ्चनपुर, ०८ जेठ । सुदूरपश्चिम प्रदेश सरकारका आन्तरिक मामिला तथा कानुन मन्त्री पृथ्वी बहादुर सिंहले कञ्चनपुरको बेलडाँडीमा रहेको इलाका प्रहरी कार्यालय बेलडाँडीको स्थलगत अनुगमन गर्नुभएको छ । सोमबार बेलडाँडी पुग्नुभएका मन्त्री सिंहलाई इलाका प्रहरी कार्यालय बेलडाँडीले शान्ति सुरक्षालाई थप प्रभावकारी बनाउन आवश्यक बजेट र स्रोत साधनको व्यवस्थापनमा सहयोगका लागि अनुरोध गरेको छ । इलाका प्रहरी कार्यालय बेलडाँडीका प्रहरी निरीक्षक पुष्कर पन्तले ग्रामीण क्षेत्रका प्रहरीले भोग्नु परेका समस्या, सवारी साधनको व्यवस्था र निकुञ्ज क्षेत्र तथा बढी संवेदनशील क्षेत्रमा सिसी क्यामेरा जडानका लागि अनुरोध गर्नु भएको छ ।

बेलडाँडी गाउँपालिकाको कार्यालयमा मन्त्री सिंहलाई स्वागत गर्दै गाउँपालिका अध्यक्ष हरिश चन्द्र रानाले बेलडाँडीका मुख्य समस्याहरू अवगत गराउँदै समाधानका लागि पहल गरिदिन आग्रह समेत गर्नुभयो । मन्त्री सिंहले बेलडाँडीको विकासका लागि सक्दो प्रयास गर्ने आश्वासन दिनुभएको छ । प्रदेश सभा सदस्यद्वय दिवान सिंह बिष्ट र मेघराज खड्का समेत उक्त अवलोकन भ्रमणमा रहनु भएको बेलडाँडी गाउँपालिकाका प्रवक्ता गज बहादुर बिष्टले जानकारी दिनुभयो ।

प्रकाशित मिति: सोमबार, जेठ ८, २०८०